اغلب مسببات الحماية في شاسيه LG
من موضوعات المهندس ايهاب فوزى
Ehab Fawzy
MC-019A
موضح كل حاجه في صورة المخطط هو دائرة الفيرتكال في الاغلب
بالاضافه الا حماية الا X-RAY او حماية الفتيله علشان الناس البسيطه تفهم واوقات في بعض شاسيهات LG مش بتبقا متفعله حماية الفتيله بيبقي اماكن مكوناته فاضيه مش راكب فيها مكونات
انما لو متفعله والمكونات راكبه يبقا نبدأ بيها الاول بنرفع Q443 او طرف D444 الجهاز اشتغل بنغير الاتي ونرجع الحمايه
C450=22/50V
C457=22/50V
ونتاكد من سلامة
D444=1N4148
ZD447=9.1V
في حالة تغير المكثفات والتاكد من سلامة الزينر والدايود وظل في حمايه نرفع D444او Q443
ظل العطل يبقا المسبب الاكبر دائرة الفيرتكال المكثفين بتوع تغذية السالب والموجب اوقات كتير بيخلو الجهاز تضغط بريست اللمبه تنور وتضعف بسرعه او تحس ان الجهاز بيقوم ويفصل في ثواني او اللمبه تعمل فلاشر مع الضغط علي البريستات
مكثفين السالب والموجب للفيرتكال بالاضافه لمكثف المضخه ١٠٠/٣٥ بنسبة ٧٠ في الميه هم السبب في هذا الشاسيه ظل العطل غير فيرتكال والسليكون الامعاه ومتقوليش ان رفعت الفيرتكال ونفس العطل لازم الفيرتكال يركب جديد وتجرب وهو راكب يامه تفصل حمايته من الترانزستور
المخطط مبين اهم العناصر الخاصه بدائرة الفيرتكال وتفرغ المكثفات الانتا ركبتها قبل ماتركب الايسي
ثالث تتطرق
هو حمايه دائرة الاستاند باي ST-BY OPTION
التاكد من سلامة منظم 3.3فولت IC842 واعادة اللحمات عليه والتاكد ان مافيش شورت مع داخله او خارجه بالقياس علي وضع البزر مع الارضي لو فيه شورت علي خارجه بنسبة 99في الميه العمليات تالف لو سليم يتم تغيير المكثفات الاتيه
C818=100/25V
C826=47/25V
C835=100/16V
C820=100/16V
ثم التاكد من خروج ٣.٣مظبوطين
والتاكد من سلامة الاتي في الاعطال استاند باي المعقده بعد الحمايات والبتنجانات
D801=1N4184
او يفضل تغييره لان لوفيه تسريب مش هيبان اوي في القياس والتاكد من سلامة
Q803=C5342Y
R807=4.7K
R810=47K
بالاضافه لتغيير مكثفين خط ال110اوقات كتير بيسببو عطل استاند
C820=220/160V
C834=47/160V
وايضا مكثف الstrtمهمه في اعطال الاستاند باي
C801=100/35V
المنظم الاربعه طرف مهم جدا ايضا في اعطال الاستاند باي لانه فيه طرف سويتش مرتبط بنبضة الاون اوف علشان يخرج تغذية 8فولت للعمليات IC844
ويرجي مراجعة لحام عليه والقياس داخله وخارجه مع الارضي داخله رجل (1)
خارجه رجل (2)
رجل (٣) ارضي
رجل (٤) سويتش اون اوف علشان نتاكد ان مافيش شورت عليه بنقيس الخارج مع الارضي ودايما اي منظم او خروجات شوبر او لاين لازم قبل تشغيل الجهاز تعمل اتشك سريع كده لكل خروجات مع الارضي للاطمأنان علشان اي error هيخسرك ممكن بتعيد لحام علي منظم طرفين لمسو ماخدتش بالك الاتشيك ده مع الارضي هينبهك ان فيه مشكله متشغلشي الجهاز وتشوف المشكله من ايه وتعالجه قبل التشغيل
طبعا مكثفات تغذية هذا المنظم IC844
C831=1000/16V
C841=470/16V
وايضا ايسي الصوت لو مقفل شورت سيركت يعمل الجهاز استاند باي
وايضا ذكرنا هنا اغلب المشاكل في هذا الشاسيه ان كان حمايه او بعض مسببات لعطل الاستاند باي وده مش علي سبيل الحصر لان زي ماقولنا اعطال الاستاند باي كتير جدا وبتختلف من جهاز لجهاز ومن شاسيه لشاسيه ومن عطل لعطل وفي اساسيات لتشخيص العطل
اخبار الفولتات الاساسيه ايه خارجه ولامش خارجه طيب خارجه مظبوطه ولافيه خلل المنظمات ايه اخبارها وضغوطاتها نبضة الباور من العمليات ايه اخبارها نبضة الهرزونتال اوت ايه اخبارها تغذية الدريفر ايه اخبارها تغذية الايبروم ايه اخبارها الفولت علي كلكتور باور اللاين ايه اخباره
فيه اعطال في دائرة الاسوليتور واعطال من دائرة الفيدباك واعطال من الايبروم واعطال من باور اللاين او من اللاين واعطال من العمليات واعطال من المنظمات واعطال من الدريفر وترانزستور الدرايفر واعطال فصل في مقاومه ما او شرخ او شورت في زينر او دايود ما او مقاومه اوبن او رجوله مصديه عملت فصل او ترانزستور تالف او فيه تسريب او ميكرو برسسور لو فيه ميكرو برسسور او فيرتكال او صوت فالاستاند باي اعطاله كتيره ومسبباته كتيره
من موضوعات المهندس ايهاب فوزى
Ehab Fawzy
ليست هناك تعليقات:
إرسال تعليق